100 ناقة !
(100ناقة و5 عجول وخمس اكفان وقطعة ارض لبناء ملجأ ومسجد ومليون جنيه وتهجير الاسرة القبطية مع استمرار حبس بعض افرادها ... كل دا دية قتيل مسلم في خناقة بالخطأ مع اقباط )
يا سادة يا كرام ... في بلاد مصر المحروسة .. خناقة بين مسلمين واقباط وسقط قتيل مسلم في تبادل لاطلاق النيران في دولة المطرية الشقيقة .. وظلت المناشاوت 3 شهور وسقط جرحي من الجانبين واخيرا
تقررت جلسة عرفية برعاية الدولة المصرية ... دولة العدل والعدالة ...
وكانت القرارات عجيبة جدا وقد بررها المسئول الامني ان الاسرة القاتلة من الاخوة المسيحيين
الشروط
يتقدم شباب الاسرة بخمسة اكفان
يذبحون 100 ناقة من الابل
يذبحون 5 عجول
يتبرعون بارض حوالي 200 متر لبناء ملجأ
يتم تهجير الاسرة القبطية من المطرية
يا حلااااااوة
هو احنا في عصر الحاكم بامر الله ولا ايه
هو احنا هنرجع لشروط العهدة العمرية ولا ايه
100 جمل بحوالي نصف مليون جنيه
5 عجول بحوالي 50 الف جنيه
قطعة ارض لبناء ملجأ وجامع
و مليون جنيه تبرع للجمعية الشرعية وانتوا عارفين الجمعية الشرعية
بالاضافة ان هناك محبوسين من العائلة القبطية ... والاخوة المسلمين بالمنطقة بيطالبوا بمحاكمتهم بالقانون !
كل دا عشان قتل خطأ ! في خناقة وليس بالقصد
فين القانون في دولة القانون
وهل دم المسلم غير دم النصراني
الواحد مستغرب ومش مصدق بس المسئول الامني قالك السبب ان الخناقة كانت مع الاخوة المسيحيين
تقريبا فاكرنا من دولة معادية ... مش مصريين !
#عضمةزرقا
ياسر يوسف