عايز منى ايه
تضربنى تقتلنى تحبسنى ليه
علشان بصلى وهو صلاتى بتعملك ايه
علشان بطالب بحقوقى بتقولى مالكش طب ليه
هو انا مش مصرى زيك وقبلك كمان ولا ايه
تهدم كنيستى تحرق بيت الصلاة طب ليه
ده فى الكنيسة بنصلى لكل الناس يابيه
لابنلعن ولابنشتم ولا فيه كمان افيه
الحب والتسامح وتعال شوف بعنيك الاتنين
كل ده بتعمله معايا ومش عارف عايز منى ايه
حرق ضرب سحل قتل عذاب هو فيه ايه
هو انا مش اخوك فى الوطن بتعمل كده ليه
وكمان مش عايزنى اصرخ طب ازاى يابيه
اخوتى للاسف فى الوطن بدمر ومعاهم شرطة وجيش
هما اللى بيدمروا ايوه ومش عارف بحجه ايه
انت مش عارف ان الظلم يغرق ومصر هى الضحيه يابيه
اجرى اصرخ اعيط واطلب النجدة يابيه يابيه
تيجى بسرعة تقولى اسكت اسكت بتفضحنى ليه
هو مين اللى بيفضح الجانى ولا المجنى عليه
لو كنت فعلا حسيس بتعمل كده ليه
لو كنت فعلا نضيف ماكنش بقى حالنا يابيه
هاتفضل تظلم ل امتى واخرة الظلم ده ايه
اوعى تنسى ان فى اله شايف
وساعة الحساب هاتقوله ايه
هاتقوله بقتل علشانك هايقولك مش ده اللى قلت عليه
وصيتى هى المحبة وغير كده ها تتحاسب عليه
فاكر ان ده دينى لا ده دين ابوك وامك
تظلم وتظلم وتظلم ده شغل الغابات يافقه
استحمل بقى والنتيجة نار جهنم تشويه
كلمات: رياض