رمزي بشارة يبدع بقصيدة: ومين قال إن في تهجير !

رمزي بشارة

رمزي بشارة

ومين قال إن في تهجير !
ومين قال إن صاحب بيت
بيتعامل كعبد أجير !
ومين قال البقاء لايزال
ف مصر بيبقى للأقوى !
ومين قال إن في لسه
أمين شرطة بيستقوى ؟!
ومين قال إن في إضطهادات
وظلم وذل للأقباط

ومين قال إن في إستعباط
من الداخلية و الدولة !
ومين قال إننا أعباط !
بنُستخدم في لنتخبات !
مجرد حشد للأصوات !
مجرد حسم للجولة !
ومين قال إن حالنا يغم !
ولسه السيئة بتعُم !
ومين قال حضرة الظابط
علينا لسه بيبلطج
ولسه بنتشتم بالأم !
ومين قال إن في فتوات !
ومن أجيال إلى أجيال
لهذا اليوم بيتعاقبوا !
ومين قال إن في إتاوات !
ومين قال إن في إنسان
بيغلط .. أهله يتعاقبوا !
ومين قال من رجال الدين
في عالَم شرهم فاحش !
ومين قال إن منتشرين
مابيننا كتير قوي داعش !
ومين قال ده زمن أخبر !
ويومياً بنتكفَّر !
ولكن حبنا غريزة
لأيها حاجة مصرية
ومين قال محتاجين فيزا
وهنسيب البلد ديه
هنفضل فيها مهما إتقال
ولو أحمالنا لسه تُقال
ولو شفنا جراح ياما
لاننده عمنا أوباما
ولا غير مصر يبقى لها
على قلوبنا ف يوم ” سلطان ”
تجافينا ومش ممكن نجافيكي
ولا نوطي نبوس أبداً
تراب يامصر غير فيكي
” رمزي بشاره “


2014 united copts .org
Copyright © 2019 United Copts. All Rights Reserved.
Joomla! is Free Software released under the GNU General Public License.